Потребите за сон варираат во зависност од тоа колку години имаме. Еве колку часа треба да спијат луѓето постари од 40 години…
Колку часа спиете во текот на ноќта? Иако 8 часа се оптимални, тие се разликуваат во зависност од тоа колку години имате. На бебињата им требаат околу 16 часа сон, на децата околу 9-10 за правилен раст и развој, на младите околу 8. Ако имате 40 или повеќе години, вашите потреби за сон се различни.
Истражувачите од Универзитетот во Кембриџ и Фудан анализирале половина милион луѓе на возраст од 38 до 73 години. Сите дале информации за тоа колку спијат, каква е нивната здравствена состојба, а направиле и бројни когнитивни тестови. Покрај тоа, речиси 40.000 испитаници биле подложени на скенирање на мозокот. Истражувањата покажале дека и недостатокот и вишокот сон се поврзани со одредени нивоа на когнитивно оштетување – намалено визуелно внимание, брзина на заклучување, нарушена меморија и способност за решавање проблеми и анксиозност, депресија и раздразливост.
Научниците утврдиле дека е идеално луѓето постари од 40 години да спијат 7 часа во текот на ноќта. Тоа е доволно за да го одржат физичкото и психичкото здравје во совршена рамнотежа.
