Предупредување: откако ќе го прочитате овој текст, би можеле да се оддалечите од вашиот мобилен телефон – со гадење 🙂 Бидејќи, гаџетите (мобилни телефони, таблети, МП3 плеери) можат да и наштетат на нашата убавина повеќе отколку што мислиме: за почеток – т.н. „Мобилни акни“.
Неодамнешните студии покажуваат дека 92% од тестираните мобилни телефони содржат бактерии, а 16% од нив ја кријат фекалната бактерија Ешерихија коли. Сите чуваме мобилен телефон во областа каде што акните обично се акумулираат кај возрасните (делот од лицето наречен долниот У), а козметичкиот дерматолог д-р Сем Бантинг предупредува дека долгите разговори можат само да ги влошат работите.
TOUCH-SCREEN ПРОБЛЕМ
Да, екраните на допир се навистина пригодни за сурфање, но дали некогаш сте се запрашале колку пати на ден, освен екранот на мобилен телефон, допираме квака, маси и повеќе? Истиот тој екран обично завршува на нашите образи. Не сакаме да ве претвориме во бацилофоби, но сепак, добро е да бидете свесни за тоа.
ШТО ДА СЕ ПРАВИ?
Покрај чистењето на вашиот мобилен телефон, (видете подолу) нанесувајте тоник со малку алкохол секој ден за да спречите појавување на бактерии на вашата кожа, а од друга страна, можете да ги потиснете акните што може да избијат од прекумерни телефонски повици со третман со гел со салицилна киселина.
КАКО ДА ГО ИСЧИСТИТЕ ВАШИОТ МОБИЛЕН ТЕЛЕФОН?
Да, 96% од мобилните телефони содржат бактерии кои ја оштетуваат нашата кожа, затоа исчистете го вашиот мобилен телефон со антибактериски салфетки, само проверете дали не содржат алкохол или киселини кои го оштетуваат, советува дерматологот д-р Бантинг.
