Торта што потсетува на вкусен колач. За изгледот нема да судиме и говориме, но кога ќе ја пробате, ќе останете без текст. Како што би рекле поранешните домаќинки, сè е до вистинскиот материјал – јајца, чоколадо, бадеми и путер.
Состојки:
5 јајца
200 гр шеќер
200 гр путер
200 гр темно чоколадо
250 гр крупно мелени бадеми
1 ванилин шеќер
малку сол
Подготовка:
Одделете ги жолчките од белките. На пареа растопете ги путерот и чоколадото и оставете ги да се изладат повремено мешајќи да не се формира кора. Изматете ги жолчките со шеќерот и ванилиниот шеќер. Додадете растопен путер и бадеми со постојано мешање. Додадете растопено чоколадо. Белките изматете ги со прстофат сол. Лесно измешајте ги овие две смеси. Истурете во тавче за колачи, претходно премачкано со путер. Се пече околу 40 минути во загреана рерна на 180 степени.
По оригиналниот рецепт колачот се посипува со шеќер во прав, а наша препорака е да се покрие со глазура од бело чоколадо и да се посипува со снегулки од бадем.
