Актерот Бред Пит (58) отсекогаш плени со својот изглед. Жените ширум светот сè уште „паѓаат“ на неговиот беспрекорен изглед, а ние ви ги откриваме здравствените навики поради кои актерот изгледа одлично во шестата деценија од животот.
- Сметам дека ова се моите последни актерски денови – изјави тој во последното интервју. Но, според изгледот, Пит сигурно нема да се пензионира наскоро.
Уште повеќе, тој сепак изгледа фантастично!
Тајната на добриот изглед
За да изгледа толку добро на 58-годишна возраст, Бред Пит мора да има неколку тајни во ракавот. Она што веќе го знаевме е дека легендарниот актер не пие. Сепак, по разводот со актерката Анџелина Џоли, Бред Пит се бореше со алкохолизмот, па дури и се приклучи на Анонимните алкохоличари за да се опорави.
Експертите откриле дека откажувањето од алкохол може да има многу здравствени придобивки, вклучувајќи подобар сон, губење на тежината и подобрување на расположението и продуктивноста.
Затоа, не е изненадување што во говорот на наградите на Националниот одбор за рецензија во 2020 година, Пит рече дека е посреќен од кога и да е откако престанал да пие.
Се откажа од цигарите
За време на пандемијата, Бред Пит се откажа од уште една лоша навика – пушењето.Јас сум на возраст кога ништо добро не излегува од тоа – изјави Бред Пит. Познатиот актер се обидел да ги ограничи цигарите дневно, но на крајот целосно ги откажал.
- Немам способност да пушам само една или две дневно – вели тој и продолжува – тоа не е во мојата природа. Или се или ништо.
Пит секое утро пушеше цигари со своето кафе, но тие денови поминаа.
Експертите истакнуваат дека откажувањето од пушење е еден од најдобрите начини за подолг живот. Тоа е затоа што пушењето може да предизвика срцеви заболувања, бронхитис, астма, расипување на забите, брчки, па дури и зголемен ризик од рак, пренесува eatthis.com.
