Ако сакате вкусна супа богата со хранливи состојки и лесна за подготовка, ова е вистинскиот рецепт за вас. Сè што ќе ви треба се само четири состојки и неколку зачини.
Потребни состојки:
- два поголеми моркови
- 300 грама црвена леќа
- лук
- 100 мл пасирани домати
Начин на подготовка:
Загрејте маслиново масло, а потоа додајте ги морковите што претходно сте ги изрендале и оставете ги да се готват 5 минути на пониска температура. Додајте го лукот исечен на поголеми парчиња, па оставете да се готви уште една минута. Додајте ја леќата, која претходно ќе ја измиете под ладна вода и потоа наполнете го тенџерето со вода така што водата ќе ги покрие сите состојки.
Гответе 20 минути или додека леќата не омекне и потоа тргнете ја од шпоретот. Ако е потребно, додајте вода за време на готвењето. Ставете ги зготвената леќа, морковите и лукот во блендер и мешајте додека не добиете мазна смеса. Турете ја смесата во подлабок сад, додајте ги пасираните домати и вода по потреба. Од зачините, користете сол, бибер и 1/3 лажичката цимет.
