Сокот од свежо овошје и зеленчук содржи многу течност неопходни за обновување на клетките и општото здравје на организмот.
Кељот и спанаќот во овој рецепт обезбедуваат мега дози на витамин Ц и претставуваат вистинска инјекција на антиоксиданси. Покрај тоа, тие содржат калциум, фолна киселина и растителни влакна, кои сите заедно помагаат за зајакнување на имунитетот и заштита од инфекции.Кивито, мангото и ананасот му даваат на пијалокот сладост и повеќе витамин Ц, а мангото е познато и по тоа што штити од рак и го намалува нивото на холестерол во крвта.
Ѓумбирот е одличен сојузник и за зајакнување на имунитетот, а познат е и по своите антиинфламаторни и аналгетски ефекти. И на крај, тука е и лимонот, кој е уште една одамна позната лековита намирница: го штити здравјето, го зајакнува имунитетот, штити од воспаленија и го чисти организмот од штетни материи и делува како природен антибиотик.
Состојки:
1 шолја исечкани листови кељ и спанаќ
1,5 шолји незасладено бадемово млеко
1,5 шолја исечен ананас, манго и киви
половина лажичка свежо рендан ѓумбир
сок од половина лимон
Подготовка:
Спанаќот и кељот ставете ги во блендер заедно со бадемовото млеко и убаво измешајте.
Потоа додадете го исеченото овошје, ѓумбирот и лимонот и измешајте додека не добиете мазна течност.
Ако ви се чини дека напитокот е премногу густ, додадете бадемово млеко додека не се разреди доволно.
