Како што времето станува постудено, потребно е да се зголеми внесот на витамин Д.
Можете исто така да го земате преку суплененти кои се додаток во исхраната.
Меѓутоа, ако не го консумирате со една важна група храна, веројатно не дозволувате телото целосно да ги апсорбира огромните придобивки од тој витамин.
Диететичарот Витни Крауч препорачува возрасните особено помладите од 70 години да земаат 15 микрограми витамин Д дневно, а оние над 70 години да земаат 20 микрограми.
Со други зборови, превентивни дози на овој витамин се препорачуваат за возрасни кои се изложени на ризик од недостаток на витамин Д.
Витаминот Д е витамин растворлив во масти. Ова значи дека, за разлика од некои други витамини, не се раствора кога се зема со вода. Наместо тоа, неопходно е да се земе со маснотии за правилно да се дистрибуира и апсорбира во телото.
– Корисни маснотии треба да се консумираат со витамин В. Тоа се, на пример, маслиново масло, масло од авокадо и ленено семе – вели Крауч.
Колку маснотии да земате со витамин Д?
Студија од 2013 година покажа дека храната со околу 10 грама маснотии може да биде доволна за идеална апсорпција на витамин Д. Неколку парчиња димен лосос, мала грст ореви или лажица природен путер од ореви измешани во утринско смути, исто така, може да бидат едноставни предлози кои ќе ви помогнат да го постигнете ова.
