Вообичаено е верувањето дека мрачните денови прават да се чувствуваме несреќни, но има и научни објаснувања зошто лошите временски услови и дождот влијаат негативно на нас.
Верувале или не, дождливите денови навистина можат целосно да ви го расипат расположението.
Ако се чувствувате лошо или немате доволно енергија за време на дождот, тоа не е само нешто што сте го замислиле. Лошото време навистина влијае негативно на расположението и емоциите.
Според истражувањето на клиничкиот психолог од Сан Франциско, Теша Еванс, скоро 9% од испитаниците спаѓаат во категоријата „луѓе кои не сакаат дожд“, а исто така потенцирале дека се многу подобро расположени во текот на денот кога нема врнежи.
Исто така, друго истражување на психијатарот Џулија Самтон, покажа дека дождот драстично влијае на бројот на негативни и депресивни објави на социјалните мрежи. Значи, тагата и недостатокот на самодоверба се многу чести кога времето е облачно и врнежливо. Исто така, ако чувствувате дека имате главоболка со промената на времето, сосема е можно да сте во право. Промените на притисокот можат да предизвикаат главоболки, затоа е важно да бидете свесни за тоа ако се прашувате „зошто сега имам мигрена“. Воздушниот притисок влијае на вашето тело. Затоа, кога синусните канали се исполнети со воздух, секоја промена во атмосферата може да доведе до главоболки, покажале бројните студии.
Што можете да направите?
И покрај тоа што сакате да го исклучите светлото и да се вратите во кревет, тоа е последната работа што треба да ја направите. Вклучете светло, пуштете музика. На тој начин ќе го зголемите лачењето на серотонин, што го подобрува вашето расположение, советуваат експертите.
Опкружете се со луѓе кои позитивно влијаат врз вас.
Направете работи во кои уживате. Разговарајте со најблиските, гледајте забавна комедија, играјте игри или читајте книга.
Исто така, многу експерти советуваат вежбање. Обуката ќе ве направи по витална и ќе го зголеми лачењето на ендорфин, што го подобрува вашето расположение.
