Многумина веруваат дека свежите овошни сокови се еден од најдобрите начини да се обезбеди проток на витамини и хранливи материи во телото. Но, здравствените експерти сугерираат дека оброците не треба да се заменуваат со сокови.
Редовното консумирање овошни сокови директно влијае на нивото на шеќер во крвта. Нутриционистите наведуваат дека кога пиете сок како замена за оброк „има скок на шеќерот во крвта“. Покрај тоа, нивото на енергија, исто така, опаѓа побрзо, со што побрзо ќе се чувствувате гладни. Тие исто така додаваат дека самиот сок не е нутритивно избалансиран, бидејќи не содржи доволно количество протеини или масти.
Нутриционистите предупредуваат и дека редовното консумирање овошни сокови е поврзано „со зголемен ризик од метаболички синдром и дебелина“.
Кога станува збор за диета која вклучува консумирање овошни сокови, мора да внимавате на внесувањето на есенцијални витамини, минерали и хранливи материи. Нашите тела најдобро се развиваат со урамнотежена исхрана, па кога ќе заврши диетата со сокови, тоа може да доведе до несакано губење на мускулите, намален метаболизам и враќање на нездравите масти.
Во однос на слабеењето, цедењето сокови е одличен начин за започнување на овој режим, но треба да биде придружено со здрава исхрана и вежбање.
Се препорачува да се изберат различни бои на овошје и зеленчук, за да се добие добар микс на витамини и минерали.
Пулпата која се добива со цедење на овошјето има максимални влакна, затоа не го фрлајте веднаш. Влакната ве одржуваат посити подолго време.
Третата препорака на нутриционистите е во соковите да се додадат протеини во форма на бадемово млеко, јогурт и ленено семе.
Не заборавајте за здрава и урамнотежена исхрана, многу вежбање и одмор. Избегнувајте прибегнување кон екстремни диети.
