Истражувачите планираат да продолжат со долгорочни последователни тестови за следење на здравјето и смртноста на учесниците.
Истражувањето од Центарот за стареење на Универзитетот Колумбија во Њујорк сугерира дека луѓето кои јадат помалку калории може да доживеат мало забавување на процесот на стареење.
Студијата опфатила 200 мажи и жени на возраст од 21 до 50 години. Сите учесници беа со нормална тежина или малку прекумерна тежина.
На некои учесници им се намали дневниот внес на калории за 25 проценти. Ако некој, на пример, троши околу 2.500 калории дневно, тоа би значело дека дневниот внес е намален за 625 калории. Контролната група продолжи да ја јаде својата редовна исхрана.
По двегодишен период, последователниот тест кој ги испитуваше биомаркерите на ДНК во крвта откри дека оние кои го намалиле бројот на калории, исто така, доживеале два до три проценти забавување на нивното биолошко стареење. Според други тестови, ова е еднакво на зголемување од десет до 15 проценти на долговечноста, што е слично на придобивките забележани кај луѓето кои престанале да пушат.
Оваа студија сугерира дека луѓето кои консумираат помалку калории може да доживеат мало забавување на процесот на стареење.
- Бидејќи луѓето живеат долго време, не е практично да ги следиме додека не видиме разлики во болеста или преживувањето поврзани со стареењето – објасни еден од авторите д-р Даниел Белски, научник од Батлер центарот за стареење во Колумбија: – Наместо тоа , се потпираме на биомаркери развиени за мерење на темпото и напредокот на биолошкото стареење во текот на студијата.
Оваа студија беше прва што го мери влијанието на продолженото ограничување на калориите кај здрави, недебели луѓе. Тестовите беа спроведени во три различни клинички центри во САД.
Д-р Кејлен Рајан, научник од Колумбискиот Батлер Центар за стареење, кој е коавтор на студијата, објаснува зошто наодите од студијата се значајни.
- Наодите даваат докази од рандомизирано испитување дека е можно забавување на стареењето кај луѓето. Тие, исто така, ни даваат чувство за видовите ефекти што би можеле да ги бараме во испитувањата на интервенции кои би можеле да им се допаднат на повеќе луѓе, како што е наизменичното постење или временски ограниченото јадење, рече Рајан, според Фокс њуз.
Истражувачите планираат да продолжат со долгорочни последователни тестови за следење на здравјето и смртноста на учесниците.
