Јадењето храна што одговара на вашата крвна група може да ви помогне да изгубите тежина, да го подобрите вашиот имунитет и само да бидете поздрави.
Покрај храната која влијае на здравјето на организмот, голема улога имаат и чаевите. Изберете го чајот кој најмногу одговара на вашата крвна група.
Типот О е најстарата крвна група и датира од времето кога луѓето преживувале ловејќи и јадејќи само месо. Крвната група А се појавила пред 15.000 години, кога луѓето почнале да се занимаваат со земјоделство и да садат житарки. Типот Б се поврзува со производството на млечни производи, а најмлада е крвната група АБ, која е комбинација од крвните групи А и Б.
Како што веќе рековме, секој човек е предодреден да јаде одредена храна според неговата крвна група. Истото важи и за чаевите. Следниот пат кога ќе си подготвите шолја чај, погрижете се чајот да одговара на вашата крвна група и дека на тој начин му помагате на вашето тело.
Крвна група 0
Луѓето со крвна група 0 треба да избегнуваат млечни производи и глутен. Пожелно е да се хранат здраво, бидејќи се склони кон проблеми со стомачните киселини. Најдобрите чаеви за вас се хмељ, ѓумбир, зелен чај, магдонос, нане и чај од глуварче.
Крвна група А
Луѓето со крвна група А се емотивни и склони кон стрес. Кафето не е добро за нив, па затоа треба да пијат повеќе билни чаеви. Вашата исхрана треба да содржи многу овошје и зеленчук и треба да се ослободите од стресот со јога и медитација.Јасмин, мајчина душица, невен, равнец и зелен чај се совршени за вас. Можете да пиете чај од ѓумбир и глог.
Крвна група Б
Луѓето кои имаат крвна група Б имаат бавен метаболизам и се склони кон дебелеење. Луѓето со крвна група Б треба добро да се грижат за својот имунолошки систем. Идеални чаеви за луѓе со крвна група Б се: чај од нане, магдонос, бреза, равнец и глуварче.
Крвна група АБ
Луѓето со крвна група АБ се интуитивни и отпорни на стрес. Зелениот чај е совршен за вас, но можете да пробате и чај од нане, божур, камилица, ѓумбир, коприва и калинка.
