Покрај исхраната, внесувајте доволно течности.
Експертите отсекогаш укажувале дека е многу важно во кое време јадеме оброци.
Не е исто ако не почитуваме никакви правила, бидејќи на тој начин може да се здебелиме непотребно и да му наштетиме на нашето здравје.
Всушност, треба да јадеме појадок, ручек и вечера во исто време секој ден, бидејќи само така ќе придонесеме за здравјето и оптималноста на организмот.
Често се случува кога не сме гладни, да консумираме грицки и слатки помеѓу оброците, што го нарушува балансот, или го пропуштаме оброкот и го оставаме „за подоцна“.
Сепак, експертите посочуваат дека идеалниот интервал помеѓу оброците е три до четири часа, поради што треба да го следите ова правило, како и да се обидувате да ручате во исто или приближно време секој ден.
Појадок до 10:00 часот
Идеално би било да појадувате половина час по будењето. Ако не сте навикнати на тоа, важно е вашиот прв оброк во текот на денот да биде до десет часот наутро и тоа да е храна која е богата со протеини.
Покрај тоа, се препорачува да пиете што е можно повеќе течност по појадокот. Околу 250 мл чај за детоксикација (зелен, коприва, раставик, свила од пченка, бреза), едно исцедено овошје во литар вода, како и литар обична вода е идеален внес на течности во текот на еден ден. Се разбира, ова зависи и од состојбата на организмот, бидејќи премногу вода не е добро за телото.
Ручек до 16:00 часот
Според нутриционистите, идеално време за ручек е 12:45 часот. Обидете се да направите интервал од четири часа помеѓу појадокот и ручекот или да ручате најдоцна до 16 часот.
Вечера до 22:00 часот
Времето кога треба да го имате последниот оброк во денот е седум часот навечер, а најдоцна до 22 часот. Важно е да поминат најмалку три часа помеѓу вечерата и спиењето. Ако одите во кревет веднаш по вечерата, нема веднаш да заспиете, и ризикувате да имате жиговина (киселини) и гадење.
Се разбира, се препорачува да внесете разновидни закуски помеѓу секој оброк, кои ќе се состојат од овошје, здрави протеински чоколади, како и житарки.
