Познато е дека витаминот Ц е одличен за нега на кожата, а експертите велат дека ја намалува и видливоста на брчките.
Витаминот Ц е чест дел од рутината за нега на лице преку креми и серуми, но можете да го подобрите и изгледот и здравјето на кожата доколку го внесете низ телото.
Експертите наведуваат дека 75 милиграми дневно е оптимална количина за возрасна жена, а 90 милиграми за мажи. Според студијата објавена во списанието за клиничка исхрана, колку е поголем внесот, толку помалку брчки на лицето и целокупното здравје на вашата кожа исто така ќе се подобри.
„Докажано е дека витаминот Ц штити од оксидативен стрес и е важен дел од синтезата на колаген и еластин, што ќе направи кожата да изгледа помлада отколку што е“, вели дерматологот Кијара Бар.
Овој витамин ќе помогне и во заштитата на колагенот кој веќе постои во кожата. Дополнително, има ефект и кога станува збор за лекување на темни дамки на кожата, но бидејќи телото не го произведува сам овој витамин, мора да внимавате на неговото внесување. За да внесете доволно витамин Ц, најдобро е да внимавате на храната што ја јадете.
Бидејќи е невозможно да се создаде поголема количина на оваа важна хранлива материја, многу е важно да се зема во доволна количина секој ден. Изберете пиперка, портокали, ананас, лимон, грејпфрут, јагоди, папаја, брокула,прокељ,зелје, кељ, киви и магдонос.
Исто така, треба да имате предвид дека термичката обработка на храната го уништува витаминот Ц, па затоа внимавајте на начинот на подготовка.
