Скоро 50 проценти од девојчињата кои јаделе повеќе од 12 оброци со месо неделно на возраст од седум години ја добиле својата прва менструација пред да наполнат дванаесет години.
Една студија спроведена на британскиот универзитет во Брајтон покажа дека девојчињата на возраст од три до седум години кои јаделе најмногу месо имаат поголема веројатност да ја добијат својата прва менструација пред 12-та година од девојчињата кои ретко јаделе месо.
Скоро половина (49%) од девојчињата кои јаделе повеќе од 12 оброци со месо неделно на возраст од седум години ја добиле својата прва менструација пред да наполнат 12 години, додека девојчињата кои јаделе помалку од четири оброци со месо неделно имале тој процент од околу 35%.
Д-р Имоген Роџерс, од Фармацевтскиот факултет и биомолекуларни науки на споменатиот универзитет, коментира: Овие резултати придонесуваат за сè поголем доказ дека е најздраво да се избегнуваат многу јадења со месо.
Но, д-р Роџерс посочи дека месото е добар извор на многу хранливи материи и предупреди дека нема причина девојчињата да преминат на вегетаријанство и дека умереното консумирање месо е особено важно во исхраната на децата.
Наведеното истражувањето, е објавено во медицинското списание Public Health Nutrition, финансирано од Светската фондација за истражување на рак.
