Брауни колачињата ги има во многу различни верзии, а за денес погледнете го овој рецепт со мармалад од сливи. Вистински есенски десерт!
Потребни состојки:
- 400 грама домашен мармалад од сливи
- 150 грама темно чоколадо
- 150 грама шеќер
- 60 милилитри соино млеко
- 120 милилитри масло
- 2 лажици екстракт од ванила
- 200 грама интегрално пченично брашно
- 4 лажици какао
- ¼ лажичка сода бикарбона
- ¼ лажичка прашок за печиво
- прстофат сол
- 150 грама боровинки
Начин на подготовка:
Поставете ја рерната на 180 °C. Во сад за печење со димензии 20 x 30 см ставете хартија за печење. Чоколадото топете го една минута во микробранова печка. Посебно измешајте ги соиното млеко, шеќерот, маслото и екстрактот од ванила. Мешајте околу 2 минути.
Брашното, солта и содата измешајте ги заедно. Во смесата додајте го мармаладот од сливи и мешајте уште една минута. Додајте го растопеното чоколадо и мешајте додека не се соединат сите состојки. Смесата ставете ја во тавата за печење, одозгора ставете боровинки и печете 45 минути. Кога десертот ќе биде готов, извадете го од рерна, изладете го и уживајте во вкусот.
