Ова се 3-те правила за витка линија на фитнес инструкторката Денис Остин!
Кога ќе ги погледнете фотографиите на американската фитнес инструкторка Денис Остин, ќе мора добро да ги истриете очите. Оваа русокоса со тело за која сонуваат многу жени има 65 години, а кога ќе ја споредите со нејзината ќерка изгледа дека речиси и да нема разлика меѓу нив!
Дениз се прослави во светот на фитнесот пред 30 години. Нејзиниот Инстаграм канал го следат стотици илјади жени, но и мажи кои помалку ги интересираат вежбите кои таа ги промовира, а повеќе уживаат во фотографиите на оваа дама која во седмата деценија има тело за 10!Дека минимално се промени во овие три децении сведочат и бројните снимки од минатото кои ги објавува на оваа мрежа.
Многумина дури и коментираа дека сега изгледа уште подобро и попривлечно отколку кога ја започна кариерата! Зад нејзиниот успех стојат напорна работа и дисциплина, а за тоа што прави и како ја одржува линијата, Остинова рече:
„Секојдневното вежбање е како да ставате пари на банкарска сметка за вашата долговечност. Да се биде среќен е избор, а тој избор е ваш“, објаснила таа, кое мото ја води со години и додала дека тајната на нејзиното совршено тело е во тоа што вежба по 30 минути дневно, а во текот на денот се труди да ја балансира исхраната – 80 отсто здрава храна и 20 отсто слатки се мерката што и одговара. Исто така, таа пие огромни количества вода за да ги хидрира органите и кожата и да го одржува млад изгледот.
Инаку, Дениз во јули учествуваше на ревијата на „Sports Illustrated“ во Мајами, каде таа и нејзината ќерка се појавија во минијатурни бикини. Видеото го објавила на мрежите, а ретко кој би се осмелил да претпостави дека на него се гледаат мајка и ќерка и дека разликата меѓу убавиците е повеќе од две децении.
“Отпрвин мислев зошто да ја прифатам поканата да направам нешто вакво на 65 години? Сепак, решив да ризикувам. Врвот на мојот живот е тоа што дури добив можност да прошетам по пистата со ќерка ми Сакам да ги инспирирам жените од сите возрасти“, објасни таа. Дениз.
Погледнете клип од оваа модна ревија и колку моќно изгледаа мама и ќерка…
