Дружењето со скара и миризливите зелени чимичури во Аргентина е ритуал длабоко вкоренет во нивната традиција…
Чимичури е омилен аргентински сос направен од билки кој е одличен придружник на пилешко, свинско, јагнешко, но и јадења од компири и друг зеленчук. Аргентинците најмногу го сакаат со сочни шницли и месо на скара, а во нивната гастрономија е толку популарно што има статус на ритуал, исто како и пиењето чај во Велика Британија.
Иако на прв поглед изгледа како италијанско песто, вкусот е различен, и доколку сè уште не сте го пробале, може да ве воодушеви со неговиот освежителен, но полн вкус.
Состојки за чимичури:
25 гр свежи лисја од магдонос
25 гр свежи лисја од коријандер
5 гр свежи лисја од риган (обично оригано)
2 чешниња лук
½ лажички рендана кора од лимета
2 лажици свежо исцеден сок од лимета
2 лажици екстра цедено маслиново масло
¼ лажички сол
¼ лажички мелен црвен пипер
Подготовка:
Во мешалка измешајте ги сите состојки додека не добиете зелен и миризлив сос и послужете го со јадења со месо. Сосот ќе има најдобар вкус ако користите најсвежи билки.
