Пробајте ги овие 4 супер здрави предлози за појадок!Малку шеќер и многу железо!
Појадокот е најважниот дел од денот.Многумина го прескокнуваат и на тој начин го нарушуваат нормалното функционирање на организмот. Една студија дури покажа дека прескокнувањето на појадокот го скратува животниот век. Кога веќе е утврдено дека појадокот е важен, се поставува прашањето – што е најдоброто? Д-р Мухамед Џенсон понуди четири опции за појадок со малку шеќер и високо железо за да го започнете денот.
Тоа се: омлет со печурки и спанаќ, чиа пудинг, чинија киноа и тост од домати со авокадо. Па да одиме по ред:
- Омлет со печурки и спанаќ
„Јајцата се одличен извор на протеини и здрави масти, кои можат да помогнат да се контролира вашиот апетит и да се намали грицкањето во текот на денот. Спанаќот и печурките се нискокалорични и богати со железо, обезбедувајќи основни хранливи материи без додавање на дополнителен шеќер. Дополнете го омлетот со порција крцкаво, свежо овошје или парче тост од цело зрно“, советува д-р Мухамед.
- Чиа пудинг
Потопете чиа семе преку ноќ во вашето омилено млеко и наутро вашиот појадок е веќе подготвен! Чиа семето е богато со омега-3 масни киселини, влакна и растителни протеини. Ќе имате енергија во текот на денот. Секогаш можете да го додадете вашето омилено овошје или јаткасти плодови.
- Киноа
Киноа, јужноамериканско зрно попознато како „злато на Инките“, е една од оние суперхрани кои ќе го задоволат вашето тело со потребните хранливи материи. Богат е со протеини, амино киселини, несварливи влакна, фосфор, магнезиум, цинк, бакар, манган и железо, а луѓето алергични на глутен можат без проблем да го консумираат.
Откако ќе ја сварите, зачинете го со банана и јаткасти плодови. На сето тоа можете да додадете и една лажичка мед.
- Тост од домати со авокадо
Друга суперхрана е авокадото. Богат е со влакна, калиум, висок процент на витамини Е, Б и фолна киселина. Исто така, содржи „добри“ незаситени масти кои го намалуваат нивото на „лошиот“ холестерол, додека доматите се моќен антиоксиданс.
