Кога би ви кажале дека постои мал трик, во кој се колнат жените ширум светот, а поради кој ќе заборавите на болката во нозете предизвикана од долготрајното носење на високи потпетици- колку би ни платиле за таа информација?
Веројатно не постои жена која еднаш во животот не помислила „ Што ми треба ова?“ по цела ноќ помината играјќи во високи потпетици, а цело утро потоа лекувајќи ги болните табани, ладејќи ги во миризлива бања.
Ако е за верување тоа што сме го прочитале, се што треба да направите за да се решите од непријатната болка е да ги залепите третиот и четвртиот прст на нозете (броејќи од палецот) со помош на медицинска леплива трака, завој или обичен селотејп. Всушност, меѓу третиот и четвртиот прст се наоѓа нерв кој предизвикува болка кога се прави притисок врз него, т.е кога носите високи потпетици. Спојувањето на прстите ќе го намали притисокот на нервот и ќе ја спречи непријатната болка во нозете.
You must be logged in to post a comment Login