Брановите во косата се еден од најпопуларните избори со години, а со вирален трик на TikTok, ќе имате совршена фризура за пет минути.
Постапката е многу едноставна: прво, косата се врзува во висока опашка. Додека косата е собрана, прамените се виткаат со фигаро, преса или витлери, во зависност од тоа која алатка ја имате при рака.
Иако на прв поглед изгледа премногу едноставно за навистина да даде добри резултати, токму ова е нејзината главна предност.
Кога косата е врзана во висока опашка, полесно е да се подели на помали делови и да се витка побрзо отколку кога е лабава. На овој начин се постигнува природен изглед на бранови кои почнуваат од средината на должината и нежно се спуштаат кон краевите, па фризурата изгледа опуштено, модерно и ненаметливо.
Чекорите што треба да се следат се следниве:
- Соберете ја косата во висока опашка
- Поделете ја опашката на неколку прамени (четири или пет делови)
- Навиткајте го секој прамен
- Почекајте неколку моменти косата да се олади
- Ослободете ја опашката и нежно поминете ги прстите низ косата
- Доколку сакате, навиткајте ги прамените што го врамуваат вашето лице
Зошто трикот стана вирален?
Главната причина за неговата популарност е тоа што ви овозможува да добиете ефикасна фризура за многу кратко време. Целата постапка трае помалку од пет минути, а резултатот изгледа како професионално стилизирани бранови од фризерски салон.
