Чистењето ролетни или венецијанки во просториите обично е голем проблем, но имаме одличен трик како да ги исчистиме лесно и без ширење на прашина.
- Отворете ги венецијанките до крај. Избришете го секој ред со превиткана антистатичка крпа за прашина или крпа од микрофибер. Погрижете се да ја завиткате крпата околу целата лента за најдобар ефект.
Прашината можете да ја отстраните и со помош на правосмукалка и специјален долгнавест додаток за вшмукување, но бришењето со крпа е поефикасно.
- Направете средство за чистење од 2 dcl вода и 2 dcl алкохолен оцет. Истурете ја течноста во шишето со распрскувач. Ставете стар чорап на раката, испрскајте ги венецијанките со тој производ и потоа избришете ги со раката, т.е. со чорапот.
На крајот, избришете ги прозорците со производот, особено аглите за да ја отстраните целата прашина или нечистотија.
