Додека се подготвува за својата последна тениска сезона, 22-кратниот Грен слем шампион Рафаел Надал одлучи да стане хотелиер.
Првиот хотел “Zel” беше отворен минатиот месец на Мајорка, сончевиот остров во Шпанија кој е родно место на познатиот тенисер.
„За мене отворањето на хотел “Zel” на Мајорка е остварување на сонот. Како некој кој го поминал најголемиот дел од својот живот патувајќи низ светот, сакав да создадам нешто освежувачко и колоритно што ќе биде верно на традициите на Балеарските Острови“, вели Надал за неговиот хотел.
“Zel”е свеж хотелски предлог, „роден на Медитеранот“ – како што вели тој – и е создаден во соработка со Melia Hotels International.Melia е едно од водечките туристички одморалишта во Шпанија и 17-ти најголем ланец на хотели во светот, со повеќе од 400 хотели во 43 земји.
Покрај една од најпознатите плажи на островот, во Палманова, хотелот е на само 15 минути возење од раздвижениот главен град Палма и помалку од 30 минути од аеродромот во Палма де Мајорка. Додека Мајорка првенствено се сметаше за евтина дестинација за одмор, најголемиот од Балеарските острови го промени својот поранешен имиџ и стана погламурозен. Сега, нова генерација богати патници се собираат на островот, не само поради неговите прекрасни плажи и тиркизни заливи, туку и поради неговата прекрасна кујна од фарма до трпеза, органско земјоделство, винарии и маслинови градини, одлични тури за пешачење и велосипедизам.
Изгледот на хотелот се заснова на отворени и динамични простори, повикувајќи ги гостите да ја почувствуваат топлината на медитеранскиот дом. Атриумот го формира центарот на хотелот, дејствувајќи како лоби кое поврзува различни простори, создава чувство на слобода и ја поврзува внатрешноста со прекрасната надворешност. Во меѓувреме, главниот базен се наоѓа веднаш до Средоземното Море, со поглед на прометната плажа Бесо, каде што гостите можат да седат на столчиња на песок.
Хотелите на “Zel” се инспирирани од филозофијата која ги комбинира природните елементи со технолошките иновации со цел да се создаде оптимално искуство и удобност за гостите. Наместо традиционална рецепција, гостите ќе најдат дигитален киоск во атриумот каде што ќе можат да пристапат до својата соба користејќи го само својот телефон.
Што се однесува до 165-те соби, од кои 20 се апартмани, сите се инспирирани од медитеранскиот начин на живот и нудат прекрасен поглед на море.
„Zel , иновативен, енергичен хотелски бренд, ќе привлече и изненади нова генерација патници кои бараат нови начини да се фокусираат на благосостојба и одржливо патување. Многу сме среќни што можеме да ја најавиме оваа посебна соработка со таква достојна икона како што е Рафа“, коментира директорот на хотелот.
За повеќе информации и резервации во новиот хотел на Рафаел Надал во Мајорка, можете да ја посетите веб-страницата на “Zel”Хотел.
