Тајната на фит фигурата на шпанската кралица е во исхраната и комбинираниот тренинг.
На 50-годишна возраст, шпанската кралица Летиција добива комплименти за нејзината исклучително витка линија каде и да се појави. Таа важи за една од најубавите жени на светот и освојува со својата харизма и софистицираност.
Заслугата за својот изглед ја припишува на посебното мени и методот на вежбање до кој постојано се придржува. Таа вели дека во тоа е тајната на нејзината добра форма.
Секое утро станува во 7 и го започнува денот со посебен вид јога која ја нагласува прецизноста и усогласеноста. Позите се држат подолго од просекот за да се изгради сила и мускулен тонус.
Оваа форма на јога не само што се смета за корисна за оние кои сакаат да ослабат, туку нуди и бројни придобивки за нервниот систем, имунолошкиот систем и квалитетот на сонот.
„Таа обично го користи првиот час за да трча низ градините на Зарузел. Кралицата има и личен тренер кој доаѓа во палатата секое утро. Тренира во приватна семејна теретана, а вежба со тегови, малку кардио и бокс“, додал близок извор.
Во својата исхрана, кралицата ја комбинира најдобрата медитеранска храна со елементи од диетата Перикон.
Диетата Перикон, именувана по д-р Николас Перикон, се фокусира на антиинфламаторна храна за која се вели дека промовира внатрешно здравје и благосостојба, вклучувајќи лосос, посни протеини, јаткасти плодови, свежо овошје и зеленчук и здрави масла.
Оваа уникатна мешавина нуди неколку потенцијални придобивки за оние кои сакаат да го подобрат своето здравје и благосостојба, вклучувајќи позитивни ефекти врз цревниот микробиом, вели Сас Парсад, нутриционист во The Gut Co.
Покрај тоа, Летиција избегнува шеќер и никогаш не јаде готови оброци, замрзната храна или пица. Што се однесува до пијалоците, кралицата по секоја цена избегнува кафе, сокови и алкохол.
