Неочекувана вест доаѓа од Германија.
Audi, една од најголемите гордости на германската автомобилска индустрија, наводно бара платформа за електрични модели во Кина. Како што пишува Automobilwoche, компанијата сака да го забрза развојот на електричните возила, а извршниот директор на Volkswagen, Оливер Блуме, наводно веќе го потпишал предлогот, па треба да биде претставен пред надзорниот одбор оваа недела.
Audi ги демантираше овие шпекулации, но германскиот магазин не се откажува и ја прошири приказната со информација дека компанијата веќе разговара со други производители на автомобили. Се вклучи и Automotive News Europe, која претпоставува дека Audi цели кон платформа од BYD или BAIC.
Во публикациите се нагласува дека овој деловен потег е последица на можни развојни проблеми, особено со платформата SSP.Блуме досега сугерираше дека новата платформа доаѓа во 2026 година, а не на крајот на деценијата.
