Руколата е медитеранско растение, со малку горчлив вкус, од семејството на брокула, зелка, келераба, кељ.Нејзината популарност во исхраната се зголемува насекаде низ светот,а придобивките се навистина многубројни, дополнително по својата специфична арома и вкус, одлично оди со различни јадења.Како што пишува платформата Healthline, руколата има и антиканцерогени својства, поради што многумина ја вклучуваат во исхраната.
Ова растение е богато со влакна и фитохемикалии, а има малку шеќери, калории, јаглехидрати и масти. Од друга страна, тоа е ризница на следниве витамини и хранливи материи:
Калциум
Калиум
Фолати (витамин Б)
Витамин Ц
Витамин К
Витамин А
За разлика од некои зелени салати, кои имаат поблаг вкус, руколата лесно се препознава поради нејзиниот специфичен вкус,а исто како и магдоносот може да се џвака за да се спречи лошиот здив.
Како е најдобро да се консумира?
Многу е здравa кога се јаде сировa, а е одлична и за пици, сендвичи, тортиљи…
Може да биде и салата со главното јадење, а послужете ја со малку маслиново масло, сол и бибер.
Направете оброк од салата од рукола со шери домати, пилешко на скара и ореви за оброк полн со протеини и нискокалоричен.
Добро оди со агруми и бобинки.
Со него можете да направите и песто, заедно со пармезан и борови ореви, а со тестенини и козјо сирење, добивате феноменална паста.
