Тие доделија огромна донација од 200 милиони долари преку предизвикот „Заштити ја нашата планета“, која ќе биде искористена за да се постигне нула уништување на шумите во Амазон во следните четири години.
„Инспирирани сме од амбициозните цели на Бразил за заштита на Амазон, едно од најважните места за дивиот свет на планетата, и воодушевени сме што можеме да ги поддржиме овие напори преку предизвикот за заштита на нашата планета“, рече Ди Каприо. Главната цел е да се фокусира на 145 милиони хектари јавно земјиште, додека гореспоменатиот план ќе го подобри управувањето со постоечките области и ќе ги поддржи правата на домородните заедници.
Кристијан Сампер, извршен директор и лидер на Nature Solutions Fund на Џеф Безос, рече: „Амазон е клучен за иднината на глобалниот биодиверзитет и климата, и ја поздравуваме посветеноста на претседателот и владата на Бразил да ја заштитат“.
„Задоволни сме што го поддржуваме назначувањето и управувањето со заштитените подрачја и домородните територии како клучен дел од стратегијата за намалување на уништувањето на шумите, заедно со новите модели на економски развој засновани на зачувување и одржливо користење на дрвото“, објасни тој. Холивудската ѕвезда и ко-основачот на Amazon досега донираа големи суми пари за доброто на животната средина. Ди Каприо донираше 43 милиони долари за реставрација на островите Галапагос и 3 милиони долари за австралискиот фонд за дивиот свет. Милијардерот Безос на Инстаграм објави дека Амазон донирал милион долари.
Од една страна великодушно донираат, но од друга страна создаваат и голем јаглероден отпечаток. Леонардо ди Каприо и Џеф Безос се познати како големи обожаватели на јахти и приватни авиони. Технолошкиот тајкун поседува една од најголемите јахти во светот, Кора, до која пристапуваат бродот за поддршка Abeona, хеликоптери и приватни авиони, што значително го зголемува отпечатокот.
Холивудскиот актер неколку пати е забележан и на скапи суперјахти, а бразилскиот претседател Жаир Болсонаро го нарече Леонардо еко лицемер, барајќи од него да престане да плови со суперјахти додека проповеда за планетата и за еколошките прашања.
