Го нарекоа „Model А“ и тоа е првата таква форма на возило. Полетува вертикално и може да слета како авион. Очигледно, може да превезе до две лица, а радиусот на движење му е 320 километри на земја и 180 километри во воздух.Летечкиот автомобил што беше инспириран од Марти МекФлај во „Враќање во иднината“ доби специјален сертификат за пловидбеност од Федералната управа за воздухопловство (FAA).
Федералната управа за авијација даде дозвола за тестирање на возило претставено од калифорниска стартап компанија како летечки автомобил. Станува збор за електрично возило кое може да лета и да вози на пат, пишува CNN.
Компанијата очекува да го продаде возилото по цена од 300.000 долари, а првите возења би биле на крајот на 2025 година, доколку ги добијат сите потребни дозволи.
Со сегашните дозволи, компанијата може да го изложи возилото, дополнително да го подобрува и да го истражува.
Иако во моментов се развиваат неколку типови возила кои функционираат на ист начин како „Model А“, од оваа компанија велат дека нивната предност е што нивното возило подеднакво нормално функционира и на пат и во воздух.
Според Business Insider, специјалниот сертификат моментално ограничува каде автомобилот ќе смее да лета и зошто, бидејќи FAA работи на политики специјално за електрични возила со вертикално полетување и слетување.
Сепак, возилото се уште е во фаза на развој. Алеф во соопштение за печатот минатиот октомври рече дека тестирал прототип со целосна големина од 2019 година.
