Подгответе се да бидете маѓепсани од Џорџина Родригез додека глуми во многу очекуваната кампања на Guess Fall 2023.
Во режија на креативниот директор на брендот, Пол Марчиано и италијанскиот фотограф Нима Бенати, кампањата нуди поглед во гламурозниот живот на оваа суперѕвезда.
„Сакавме да доловиме еден типичен ден од животот на Џорџина, откривајќи го целиот гламур од секојдневието на вистинска суперѕвезда“, вели Пол Марчијано.
Инспирирана од нејзиниот раскошен живот, рекламната кампања на Guess е снимена во историскиот хотел Санто Мауро во Мадрид од 19 век. Позирајќи во раскошни приватни градини и кралски хотелски соби, Џорџина блеска.
Во оваа кампања, Џорџина, која одлично го отсликува идеалот за силна, сензуална и еманципирана жена, го изразува духот на новата линија благодарение на нејзината непогрешлива привлечност. Колекцијата претставува широк асортиман на елегантна и тренди облека, женствени и секси фустани и трикотажа со кроеви кои ги истакнуваат облините. Прекрасните ентериери на собите и градините на Санто Мауро служат како совршена позадина за предметите од новата колекција.
„Навистина ми е чест што сум избрана да глумам во оваа нова кампања на Guess & Marciano“, вели Џорџина Родригез. „Го сакам брендот и неговите вредности. Обожавам да носам облека на Guess затоа што се чувствувам еманципирано и сензуално, тие покажуваат поинакво лице на женственост и изразуваат безвременска суштина“.
Пол Марчиано рече: „Мило ни е што можеме да и посакаме добредојде Џорџина во нашата нова кампања за Guess & Marciano. Силна, самоуверена и решителна жена. Кампањата и локацијата целосно ја отсликуваат не само нејзината убавина, туку и нејзината сензуалност, динамичност и сила, совршено толкувајќи ја визијата и стилот на брендот“.
