Се повтори слична ситуација како кога убавата манекенка за прв пат стана мајка – никој не знаеше дека е бремена!
Сите се целосно изненадени, бидејќи никој не ни знаел дека убавата Наоми е бремена. А шокот е уште поголем бидејќи Кембел има 54 години.
Таа објави прекрасна фотографија и ги извести сите дека по ќерката сега добила и син.
- Мил мој, знај дека си сакан неизмерно и опкружен со љубов од моментот кога нè почасти со твоето присуство. Вистински дар од Бога, благослов- напиша Наоми со фотографија од нејзиниот син што ја сподели на Инстаграм.
Наоми, која има многу богата и бурна животна приказна, на овој текст додаде дека „никогаш не е доцна да се стане мајка“, но сепак остануваат многу прашања.
Никој не ни знаеше дека е бремена првиот пат, исто како и сега, и повторно не се знае дали го родила детето или користела сурогат мајка или можеби го посвоила.
Во секој случај, честитките на нејзиниот профил само се редат.
