Некои концерти се легендарни, а фановите се спремни да платат огромни суми пари за да не го пропуштат омилениот уметник на сцената.
Летото не значи само одмори на море, оваа сезона е поврзана со музика и концерти. Впрочем, не се малку оние кои одбројуваат цела година до оваа сезона, за повторно да се најдат на голем концерт со пиво во рака, слушајќи го својот омилен изведувач или бенд.
Билетите за големи концерти често знаат да бидат скапи, но тоа не ги одвраќа фановите. Особено кога станува збор за големи имиња кои не ги гледате често, како што се легендарните бендови или уметници кои за прв пат доаѓаат во вашата земја.
Сепак, кои се најскапите билети за концерти досега? За да го најдеме одговорот на ова конкретно прашање, треба да се вратиме неколку години наназад и да одиме во 2007 година. Поводот беше големиот концерт во лондонската О2 арена на 10 декември, кој се одржа во спомен на починатиот основач на компанијата “Atlantic records”, Ахмет Ертегун.
On this date in 2007, #LedZeppelin played their first concert in 19 years, at London's 02 Arena as part of the Ahmet Ertegun Tribute Concert. #JimmyPage, #RobertPlant and #JohnPaulJones were joined on stage by #JasonBonham, the son of their late drummer #JohnBonham. pic.twitter.com/5xPpXLuCHZ
— Classic Guitar Rock 🎙 (@ClassicGuitarR1) December 10, 2022
Всушност, бендот тогаш свиреше без нивниот тапанар Џон Бонам, кој почина, а неговото место на тапаните го зазеде неговиот син Џејсон.Оние кои беа на стадионот тој ден зборуваа за „еднаш во животот искуство“. Како што можеби веќе разбравте, цената на билетите за овој историски настан не беше прифатлива. Билетите беа по цена од 230 евра и достигнале цена и до 77.000 евра! Младиот Шкотланѓанец Кенет Донел платил вкупно 154.000 евра за две влезници за овој концерт и така влегол во историјата.
„Всушност го запознавме целиот бенд претходниот ден на пробите и Роберт Плант е навистина убаво момче. Дојде да не види и малку разговараше со нас. Беше одлично“, објасни во тоа време шкотски фан на Led Zeppelin.
