Иако е позната како една од најубавите и најзгодните жени на светот, пејачката Никол Шерцингер досега немала среќа во љубовта. Оваа 44-годишна Американка 8 години беше во бурна врска со Формула 1 возачот Сер Луис Хамилтон, а по него и со тенисерот Григор Димитров.
Сепак, таа не ја нашла среќата покрај овие двajca спортисти,но не без причина се вели третa среќа. Заносната црнка веќе две години е во врска со поранешниот рагбист, Шкотланѓанецот Том Еванс, а сега објавија дека се вериле.
Професионалниот рагбист клекна на коленa за да го постави прашањето.Поп-ѕвездата Никол Шерцингер (44) се огласи на социјалните мрежи со неколку фотографии заедно со нејзиниот сега вереник Том на плажа, каде што тој ја праша дали ќе се омажи за него.
– Реков да – напиша таа во описот на својата фотографија која брзо беше преплавена со честитки од пријатели и обожаватели.
Том (38) ги сподели истите фотографии на својот Инстаграм со натпис:
- Мојот засекогаш – завршува со снимка од двајцата прегрнати додека блескавиот свршенички прстен на Никол блескаше на сонце.
Никол и Том ја официјализираа својата врска во јануари 2020 година. Тие првично се запознаа на X Factor: Славни личности во 2019 година кога Том се натпреваруваше во бенд за момчиња, а Никол беше судија.
Оттогаш двајцата беа постојано заедно, одеа на одмори, успешно ги споија сите обврски за што почесто да бидат заедно.
На нивната прва годишнина, Том и ги посвети овие зборови од препелица на Никол:
- Во година која беше исполнета со толку многу неизвесност, ти беше мојата блескава светлина.
Таа веднаш одговори:
- Ти си мојата карпа. Му благодарам на Бога за тебе секој ден. Те сакам многу.
Во текот на изминатите неколку години, ѕвездите зборуваа за нивната заедничка страст за фитнес и беа познати по објавувањето видеа од нивните тренинзи на социјалните мрежи.
Американската убавица претходно беше во врска со тенисерот Григор Димитров и возачот на Формула 1 Луис Хамилтон, додека Том се забавуваше со радио водителката Кели Брук и ѕвездата на 90210 Џесика Лоундес.
