Таа веќе две децении ги диктира модните трендови.
Пејачот Фарел Вилијамс синоќа ја претстави првата ревија на модната куќа „Louis Vuitton“ откако стана нов креативен директор на овој бренд.
Ревијата се одржа во Париз, а познатите личности кои дојдоа да ја поддржат ги воодушевија љубителите на модата со својот стајлинг.
Како и секогаш, Бијонсе, која 20 години ги диктира модните трендови, се издвои од толпата.
Таа и нејзиниот сопруг Џеј Зи го привлекоа целото внимание кога се појавија во комбинации за кои ќе се зборува.
Пејачката за оваа прилика беше облечена во фантастичен свиленкасто златно жолт „Louis Vuitton“ костум кој неодоливо потсетува на пижами.
Бијонсе стави и гломазни очила за сонце, дијамантски ѓердан и црна чанта со логото на брендот.
Џеј Зи се одлучи за кафеав костум и елек под кој носеше бела кошула, а лакираните чевли одлично се совпаѓаа со целата комбинација.
