Познатата русокоса изгледа многу привлечно и покрај тоа што обожава калорична храна.
Американската актерка Марго Роби ја откри тајната на нејзиниот фит изглед, што е уште еден одговор на прашањето зошто е одличен избор за улогата на легендарната „барбика“.
Во едно неодамнешно интервју, Марго откри дека ролерите се еден од забавните начини да се остане во форма.
Ако се прашувате што може да направи едно возење со ролери за вашето тело, студијата спроведена на Универзитетот во Констанц покажа дека умереното возење на ролери може да го зголеми пулсот на 140 до 160 отчукувања во минута.
Зголемете го темпото и веројатно ќе постигнете 180 отчукувања во минута. За возврат, ова ќе го зајакне здравјето на вашето срце и ќе ја подобри циркулацијата на крвта. Покрај тоа, според студијата на Универзитетот во Масачусетс, возењето ролери предизвикува помалку од 50 проценти од „влијанијата“ на зглобовите отколку трчањето. Тоа го прави солиден кардио тренинг, пренесува „Womenshealthmag.com“.
Идната „барбика“ споделила и дел од диетата која најчесто ја практикува.
За појадок најчесто јаде тост со авокадо, халуми сирење на скара и печена сланина. Потоа оди да купи сладолед. Убавата Марго сака добра и калорична храна, малку се намирниците од кои се откажува, но затоа возењето ролери и е на прво место.
