Најдобриот светски фудбалер купи стан до кој ќе може да стигне – со автомобил во лифт…

Еден од најдобрите играчи во светот, Аргентинецот Лионел Меси, по истекот на договорот со францускиот Пари Сен Жермен, кариерата ја продолжува на американскиот континент, каде потпиша договор со Интер Мајами, клуб во сопственост на Дејвид Бекам.

Како што веста се ширеше со молскавична брзина, популарноста на клубот растеше невидено – помалку од милион луѓе го следеа на социјалните мрежи, а сега има повеќе од седум милиони. Секако поскапеа и влезниците за натпреварите, па до неодамна беа околу триесетина долари, а сега кај препродавачите чинат десет пати повеќе.

Меси веќе најде место каде ќе направи „гнездо“ со сопругата Антонела и трите деца Тијаго, Матео и Чиро, а тоа е луксузен стан на два ката во елегантната кула Porsche Design на плажата Сончев остров во Мајами.

Брендирана од истоимениот германски производител на автомобили, зградата може да се пофали со три лифтови за автомобили кои им овозможуваат на жителите да ги паркираат своите возила во простор затворен со стакло на истиот кат како и нивниот стан опремен, се разбира, со најсовремени апарати и технологија. Овој софистициран станбен облакодер е суштината на луксузното живеење, има 132 станбени единици од 250 до 500 квадратни метри со балкони и поглед на океанот, приватен ресторан, приватно кино, огромен базен, најсовремен спа и фитнес центар, соба за забава, виртуелен терен за голф…

Lionel Messi’s family just purchased this $7.3M condo in Miami, per @trdny.

He already owns a $5M condo right down the street.

Messi to Miami confirmed? pic.twitter.com/pzxLZEqsdb

— Joe Pompliano (@JoePompliano) April 21, 2021

Меси за својот стан во оваа луксузна зграда плати бедни 7,1 милиони долари,со оглед на тоа дека во Мајами ќе добива неверојатни 50 милиони долари по сезона, се шпекулира дека дел и од преносот на натпреварите ќе добие и од интернет гигантот Apple.

Messi make luxury buy in Miami

Messi has spent a whopping 7.3 million euros on apartment with sea view.Lionel Messi's family have reportedly acquired a furnished apartment with four bedrooms, four bathrooms and sea views in a unique building Sunny Isles Beach near downtown Miami pic.twitter.com/AOoB1DcXoB

— ZB- AmpleFootball (@zurichbound) April 24, 2021

„Да ми беа важни парите, ќе одев во Саудиска Арабија.Тоа ми изгледаше како многу пари, но мојата одлука е донесена заради семејството, а не заради парите.” – изјави „скромниот“ седумкратен освојувач на Златната топка по потпишувањето на договорот со Мајами, кој му го обезбеди статусот на најплатен фудбалер во американската лига.