Жена која плени на улица колку и на црвениот тепих.
Кога ќе кажеме Њујорк, првата асоцијација, барем за нас жените, е главно магичниот Менхетен, романтичните прошетки во грандиозниот Централ парк и секако култната серија „Сексот и градот“ која одбележа неколку генерации жени. И нејзиниот главен протагонист, Сара Џесика Паркер.
Сара, како и нејзиниот лик Кери Бредшо, го обожава овој град, а денес е видена како ги разубавува неговите улици.
Актерката се појави во фустан од пастелни бои, со интересен дезен, а над него носеше јакна со цветен дизајн.
На нозете носеше влечки во екстравагантна розова нијанса.
Што се однесува до аксесоарите, таа избра голема бела чанта, која сега е во мода и со тоа покажа дека ги следи трендовите.Нејзината густа руса коса како и секогаш беше совршено стилизирана.
Сара суверено царува на модниот трон веќе 25 години, а времето поминато таму само ја зголемува нејзината креативност.
Таа е и голем љубител на книги, па не нè чудеше што држеше една во рака.
