На врската на музичката двојка Шон Мендес и Камила Кабело и дојде крајот, се чини овој пат – засекогаш.
Музичарите Шон Мендес и Камила Кабело беа видени како споделуваат бакнежи на музичкиот фестивал Коачела во април, и се чинеше како да цветаат рози во нивната обновена врска. Сепак, шест недели подоцна парот ја прекина врската и се чини дека со вториот обид за љубов сфатија дека сепак не се еден за друг.
Имено, како што откриваат британските медиуми, тие сфатиле дека нивното помирување било грешка и дека првиот пат раскинале со добра причина. “Шон и Камила имаат заедничка историја и сакаа да се обидат да бидат заедно. Но, тоа беше само занес кој заврши и сега тие раскинаа засекогаш”, открил извор близок на парот.
Фановите беа воодушевени кога Шон и Камила почнаа да се забавуваат во јули 2019 година. На почетокот на пандемијата, тие се преселиле во заеднички дом, но раскинале многу брзо, по две години врска – во декември 2021 година. Тие тогаш изјавија дека поради љубовта не можат доволно време да посветат на својата музика, а дека раскинале, објавија заедно на Инстаграм, со порака дека љубовта останува меѓу нив и дека секогаш ќе бидат добри пријатели.
По раскинувањето и двајцата се обиделе да имаат други врски, но наводно сепак имале чувства еден за друг, што довело до нивно помирување оваа пролет. Шон, наводно, ја споредувал секоја девојка со кубанско-американска пејачка. „Во реалноста тие не се романтично компатибилни и сега мора да продолжат понатаму“, рекол извор близок до парот.
