Островот Бали е познат како една од најубавите тропски дестинации за одмор. Сонцето, сурфањето или живата култура на мнозинството хинду население се само некои од причините за магичната привлечност на Бали. Бројот на туристи на годишно ниво се мери во милиони.Убаво е да се знае кога е најдобро време за посета овој „Остров на боговите“.
Во основа, Бали има две сезони и додека едната се карактеризира со дожд, другата е претежно сончева. Сезоната на дождови обично трае од октомври до март, а за оние кои пред се сакаат добро време со многу сонце, вистинско време за посета е меѓу април и септември. Во текот на годината, температурите се движат помеѓу 23 и 35°C, но влажноста може да достигне и до 85% во сезоната на дождови.
Покрај временските услови, треба да се земе предвид и бројот на посетители.Јули, август и септември се месеци кои повеќето луѓе ги избираат, но има и гужви за време на големите празници.Тогаш не изненадува сообраќајниот метеж, екстремно зголемените трошоци за речиси се – од сместување до сувенири.
Но, ако вашата идеја за идеален одмор вклучува добро време, многу опции за различни активности и разгледување, помалку гужва и пристапни цени, најдобро време за посета на Бали е мај, јуни или октомври.
Најпрестижниот дел од брегот е секако плажата Нуса Дуа, на југот на Бали.На него се наоѓаат хотели на некои од најлуксузните светски брендови. Ситниот бел песок и плиткото море се идеални за деца, а водата е многу помирна на овој дел од островот. За убавината на оваа плажа говори и фактот што често се избира како идеална локација за свадби.
На Бали има навистина многу активности и ретко кој не успева да најде нешто за себе.Поголемиот дел од населението на островот се Индонезиски Хиндуси, чија календарска година има само 210 дена и изгледа дека живеат за церемонии. Танцот е секогаш во центарот на настаните на островот, без разлика што се прави, што доволно зборува за духот на луѓето и остава малку простор за непријатности.
Од екскурзии, преку прослави до сурфање и нуркање.На Бали едноставно не може да биде досадно!
