Покрај придобивките за слабеење, оваа комбинација на телото ќе му ги обезбеди потребните витамини и минерали, па сигурно ќе имате чувство дека денот го започнувате со малку повеќе енергија.
По зимските месеци, секогаш ни е малку грижа на совест за претерување со храна и пијалоци. Бидејќи е само прашање на време кога ќе скокнеме во модни парчиња кои откриваат малку повеќе кожа, добро е при рака да имате пијалоци кои ќе ви бидат одлични сојузници во слабеењето.
Достигнувањето на идеалната фигура на вагата не е лесна задача и нема брзи решенија со кои преку ноќ ќе се постигне посакуваната промена, но со редовно вежбање и правилна исхрана, некои пијалоци можат да бидат многу корисни и барем малку да го забрзаат доаѓањето на посакуваните резултати. Не ни знаеме колку варијанти на пијалоци за детоксикација има, а еден таков пијалок се издвои како апсолутен фаворит по кој посегнуваме во деновите на подготовка за летната сезона.
Станува збор за напиток од лимон, магдонос и вода – комбинација која можете да ја направите за пет минути, а одлична е бидејќи го поттикнува варењето, ги исфрла токсините од телото и го поттикнува слабеењето.
Исто така, овој напиток може да ја намали лошата навика поради која не пиеме доволно вода во текот на денот, што е еден од најважните сојузници во слабеењето бидејќи пијалоците го намалуваат апетитот, па затоа чаша вода половина час пред оброк е одличен начинза да го намалите внесот на храна. За овој пијалок ви е потребно:
-60 грама магдонос
-1 лимон
-250 ml вода
Подготовка:Магдоносот ситно се сечка. Пожелно е да не го ставате во блендер бидејќи напитокот ќе биде горчлив, а потоа исцедете го целиот сок од лимон врз сечканиот магдонос, додадете вода и сè заедно изблендирајте.
Овој напиток пијте го секое утро, веднаш штом ќе се разбудите, пет дена по ред. По петтиот ден, потребно е да направите пауза од 10 дена, а потоа можете повторно да започнете со оваа детоксикација. Покрај придобивките за слабеење, оваа комбинација на телото ќе му ги обезбеди потребните витамини и минерали, па сигурно ќе имате чувство дека денот го започнувате со малку повеќе енергија!
