Француската луксузна куќа Dior официјално го продолжи партнерството со Џони Деп со тригодишен договор вреден 20 милиони долари.
Џони Деп повторно е заштитно лице на новата кампања за мириси Dior Sauvage. Неговиот тригодишен договор со модната куќа е вреден повеќе од 20 милиони долари и е најголемиот договор некогаш потпишан за машки парфем.
Кога Џони Деп се соочи со бурата во односите со јавноста предизвикана од неговата правна битка со поранешната сопруга Амбер Херд, Dior, луксузната модна куќа и козметичкиот гигант,застана на негова страна.
Според изворите, тригодишниот договор е вреден повеќе од 20 милиони долари, засенувајќи го договорот од 12 милиони долари на Роберт Патинсон за Dior Homme или договорот од 7 милиони долари на Бред Пит за промоција на Chanel бр. 5. Според упатените во парфемската индустрија, повеќето амбасадори не заработуваат повеќе од 2 до 4 милиони долари годишно, како Крис Пајн, чиј договор со брендот Armani вреди 4 милиони долари годишно.
Ѕвездата од „Пиратите од Карибите“ е заштитно лице на парфемот Sauvage од неговото лансирање во 2015 година.Компанијата се соочи со притисок да се откаже од Деп откако британскиот суд пресуди против него во тужбата за клевета во 2020 година, поднесена од неговата поранешна сопруга Амбер Херд.
Имиџот на Деп драстично се подобри минатата година, откако беше ослободен во случајот за клевета од висок профил против неговата поранешна сопруга, а продажбата на парфемот Dior Sauvage порасна. Бернард Арно, извршен директор на LVMH, смета дека „имиџот на Џони Деп“ е една од главните причини зошто парфемот постигнал „извонреден успех“.
Новиот договор на Џони Деп со брендот Dior се совпаѓа со настапот на актерот на Канскиот филмски фестивал, каде светската премиера на 16 мај ја имаше историската драма „Jeanne du Barry“ во која тој го игра кралот Луј XV. Деп присуствуваше и на вечерата на Dior на 17 мај, додека денеска отпатува за Лондон за да учествува на одавањето почит на починатиот гитарист Џеф Бек, каде што ќе настапи заедно со Ерик Клептон и Род Стјуарт.
Со новиот договор меѓу модната куќа Dior и Деп,може да се види дека францускиот луксузен бренд сè уште не е подготвен да се откаже од нивната врска.
