Истражувањата покажаа дека најдобро е денот да го започнете со оброк на база на протеини и здрави масти, бидејќи тие заситуваат и даваат доволно енергија за извршување на сите потребни задачи. Овде како одлично решение се појавуваат чиа семето.
Чиа семето содржи и многу диетални влакна, витамини и минерали кои го стимулираат варењето, го намалуваат нивото на лошиот холестерол и генерално се корисни за здравјето на луѓето. Згора на тоа, кога ќе ги ставите во течност, тие набабруваат и се претвораат во јадење кое личи на пудинг.
Доколку сакате да го зголемите внесот на протеини во организмот, направете пудинг од чиа семе со кравјо или млеко од соја и измешајте го со јогурт по желба и послужете се заедно со омиленото овошје. Добивте совршен појадок.
Состојки за чиа пудинг:
100 мл млеко по избор
1,5 супени лажици чиа семе
1 лажица мед,или сируп од јавор или агава
1 лажичка какао
овошје по желба
Подготовка на чиа пудинг:
Измешајте ги семките од чиа со млеко и оставете сè да набабрат околу 15 минути. Потоа убаво измешајте ја смесата, додадете ги какаото и медот и оставете ги уште десетина минути да се соединат вкусовите.
Можете да го направите ова и од претходната вечер и да го ставите во фрижидер преку ноќ.
Чоколадниот чиа пудинг послужете го со јогурт по избор и боровинки, парчиња праска или некое друго овошје.
