Иако некогаш бил дом на зандани во кои се чувале жени за кои постои сомневање дека се вештерки, денес Кирквол е безбедно место за живеење и посета и има многу ниска стапка на криминал.
Патниците на Booking.com го изгласаа Кирквол во Шкотска за најдобредојдено место во 2023 година. Кирквол ја доби оваа престижна титула благодарение на извонредното гостопримство на неговите жители.
Најголемиот град во архипелагот Оркни во Шкотска, кој има околу 70 острови, има постојано население од околу 9.000.
Жителите на Кирквол се навикнати на туристи. Во летните месеци, многу бродови за крстарење обично застануваат тука за патниците да можат да ја истражуваат нејзината богата историја. Кирквол, имено, бил дел од норвешкото кралство и бил основан од Викинзите пред илјада години. Дојде под шкотска власт во 15 век, така што местото е оригинален спој на скандинавската и шкотската култура.
Дефинитивно треба да ја посетите катедралата Св. Магнус од 12 век, која се смета за најсеверната катедрала во Обединетото Кралство. Тоа е идеално место за апсорпција на интересни факти за Викинзите преку истражување на локалните археолошки локалитети, но и за уживање во природните убавини и прекрасните плажи.
Локален таксист, исто така, сведочеше за новинарите на DailyMail. Им раскажал како четири дена ги оставал паричникот, телефонот и клучевите од автомобилот на совозачкото седиште во неговото незаклучено возило – а никој не го ограбил.
Луѓето од Кирквол не размислуваат како да повредат некого, туку како да му помогнат. Истиот човек случајно испуштил паричник во кој имало 850 фунти во готовина на аеродром на островот. Кога сфатил дека го нема паричникот во џеб, се помирил со фактот дека парите се изгубени.
Но, сепак се вратил на аеродромот, надевајќи се дека некој му го нашол паричникот и му ги оставил личните документи недопрени. На информативниот пулт доби шок – не само што е пронајден паричникот, туку и сите пари во него.
