Ari 902 има само 20 КС, може да развие брзина до 90 км/ч, а максималниот опсег е помеѓу 110 и 200 километри.
Германската компанија Ari Motors го претстави својот нов модел наречен 902.
Станува збор за мал двосед долг 295 cm, широк 150 cm и висок 150 cm, кој во карго верзијата нуди носивост од 190 килограми.
Веќе во основната опрема има електрични прозори, ABS, серво волан, клима уред, централна брава, преградна мрежа во багажникот, помош за стартување на нагорнина, камера за рикверц и LED дневни светла.
Дополнителна опрема вклучува светла за магла, стаклен покрив и багажник на покривот.
На клиентите им се достапни три верзии, Pure, Comfort и Cargo, а како што открива самото име, Cargo е карго верзија за возачи на кои им треба мало електрично возило за лесно да се движат низ градот.
Цената на основната варијанта е 13.990 евра.
