Хилари Свонк, холивудската актерка и оскаровка, на 48-годишна возраст роди близнаци.
Таа ја објави веста на својот Инстаграм профил со прекрасна фотографија со своите бебиња.
„Не беше лесно, но вредеше. Среќен Велигден. Објава од чистиот рај“, напиша таа покрај фотографијата на која ги држи новороденчињата во раце додека го гледа зајдисонцето. Таа роди девојче и момче, но не ги откри имињата на децата.
Актерката откри дека е бремена во октомври и дека чека близнаци со сопругот Филип Шнајдер, а оваа радосна вест ја сподели во емисијата Good Morning America. „Има нешто што го чекав многу долго и тоа е мојата следна вест – ќе бидам мајка. Доаѓаат две деца, не ми се верува“, изјави таа во споменатата емисија.
Да потсетиме, таа редовно вежбаше за време на бременоста, дури и призна дека на почетокот имала „напади на утринска мачнина“, а бременоста ја одложувала со години поради кариерата.
Нејзината последна објава предизвика лавина коментари од бројни познати личности кои и честитаа.
