Италија е земја полна со содржина и прекрасна природа.Место кое ги спојува традицијата и модерната култура,полна со културни знаменитости, убави гастрономски деликатеси, живописни пејсажи и сцени кои се вечна инспирација за посетителите.
Иако градовите како Венеција, Верона и Рим се најчестиот избор, овојпат издвоивме еден регион кој со својата историја и изглед привлекува туристи од целиот свет. Станува збор за регионот наречен Апулија, кој е навистина скапоцен камен кога станува збор за патување.
Пуља – италијански регион кој освојува на прв поглед
Пуља, позната и како Апулија, е регион кој се наоѓа во југоисточниот дел на Италија, граничи со Јадранското Море на исток и со Јонското Море на југоисток. Тој е еден од најголемите региони во земјата. Пуља е регион кој повикува со шармантни градови, но и со пејзажи украсени со ридови, плодно земјоделско земјиште, карпести брегови и прекрасни песочни плажи.
Гастрономија
Познато е дека Италијанците навистина уживаат во моментот и ги ценат малите нешта, како вкусната храна и доброто вино. Затоа, оние кои сакаат локална кујна секако ќе уживаат тука. Пуља е позната по својата вкусна кујна, под влијание на морето и историските врски со соседните земји како Грција и Турција.
Што да се посети?
Покрај природните убавини и кулинарски задоволства, Пуља е дом и на многу важни историски и културни знаменитости и археолошки локалитети. Значи, имаш многу да истражуваш овде. Доколку имате можност да патувате во овој регион, задолжително посетете некои од најпопуларните туристички дестинации како што е главниот град Бари. За да ви го олесниме патувањето, подолу одбравме неколку места кои вреди да се посетат и се од големо културно значење.
Места под заштита на УНЕСКО
На самиот врв на листата најдовме два града кои поради нивната важност се на листата на светско културно наследство на УНЕСКО. Првиот град е Алберобело, познат по своите традиционални куќи – трули – кои се уникатни конусни структури направени од варовник.Вториот град е Матера,иако технички е во соседниот регион Базиликата, Матера се наоѓа преку границата со Пуља. Тоа е антички град познат по своите живеалишта во пештерата Саси.
Фиренца на југ
Додека сте тука, не заборавајте да застанете кај историскиот град познат како „Фиренца на југот“. Ова е прекарот што го носи градот Лече – поради неговата архитектура и бројните барокни згради и примамливите плоштади кои бараат истражување. Тоа е одлично место за шетање и пиење кафе.
Привлечна архитектура и пејзаж
Polignano a Mare… Тоа е место каде можете да уживате во морска храна и да се одморите на плажа во летните денови. Овој мал крајбрежен град се наоѓа на карпа со еден од најубавите погледи на морето.
Град со својот изглед и архитектура која потсетува на Грција – Остуни, сместен на рид, е познат по своите бели згради и тесни кривулести улички. Идеален е за истражувачите и оние кои сакаат да научат за домородните занаети и традиции. Уште од првата прошетка низ ова живописно место и улици, ќе ве вовлече во својата приказна.
Пуља е секако регион кој е полн со шармантни градови, прекрасни плажи и фасцинантни историски места, па секогаш можете да откриете нешто ново. Затоа, погрижете се да биде на вашата листа за патувања.
