Во паркот доминира прашума која се простира на 10.000 квадратни метри, во која се засадени 50.000 растенија. Во него живеат и разни тропски животни како што се фламинго, пауни и црвени и сини ара.
Најголемиот тропски воден парк во Европа се наоѓа на педесет километри од Берлин во поранешен хангар за авиони.Tropical Island Resort зафаќа 6,47 хектари и може да прими до 6.000 гости истовремено. Најдобро од се? Отворен е во текот на целата година.
Во хангарот преовладуваат вистински тропски услови – топол и влажен е сите 365 дена од годината – без оглед на временските услови надвор, кои можете да ги проучувате преку стаклениот покрив.
Во паркот доминира прашума која се простира на 10.000 квадратни метри, во која се засадени 50.000 растенија. Во него живеат и разни тропски животни како што се фламинго, пауни и црвени и сини ара.
Наменет е за гости од сите генерации и профили.Тропино клубот е наменет за деца, кој нуди возење со мини брод, забавни тобогани и игри на вода кои никогаш нема да станат здодевни.
Возрасните можат да се релаксираат во лагуната по моделот на балиската, да уживаат во сауна или други спа услуги и да се капат во таканареченото „тропско море“ кое зафаќа површина со големина на три олимписки базени.
Во рамките на водениот парк, можете да јадете во ресторани кои служат сè, од хамбургери и пици до азиска кујна, но можете да спиете и во шатор. Tropical Island Resort нуди кампување во воден парк. Надворешната област наречена Амазонија нуди и спуштање по вештачката река, како и сурфање.
