Холивудскиот актер Ричард Гир доживеа големи животни удари во последните неколку недели. Во средината на февруари, за време на одморот во Мексико, итно бил примен во болница каде му била дијагностицирана пневмонија, а многу брзо потоа починал и неговиот татко Хомер Гир. Бегство од градската гужва и секојдневниот стрес актерот најде во природата. Тој со сопругата Алехандра Силва и двата сина посети американска фарма, а овие посебни моменти ги овековечија со ретки семејни фотографии и значајна порака која никого не остави рамнодушен…
По проблемите со пневмонија и смртта на неговиот татко, холивудската ѕвезда Ричард Гир реши да избега од секојдневните грижи и се смести на фарма со сопругата и синовите.
Познатиот 73-годишен актер и неговото семејство се посветиле на враќањето на своите корени, а неговата 40-годишна сопруга во оваа прилика објавила ретки семејни фотографии и на своите синови им покажала чии фотографии вообичаено не ги објавува.
Сопругата на холивудската ѕвезда во неделата објави дека таа и нејзиниот сопруг и нивните два сина, 4-годишниот Александар и 2-годишното дете чие име се уште не е познато, поминуваат време на фармата, уживајќи во опуштени моменти со животни.
Покрај впивањето на сончевите зраци и поминувањето време на свеж воздух, посебен момент за целото семејство беше заедничкото молзење на кравата.
„Деновиве, особено ако живеете во град, толку е тешко да можете да уживате во основните задоволства што ни ги нуди природата – оние што најмногу ги ценам и оние што сакам да ги всадам во моето семејство. Назад на основите. Ова е за нашиот сакан Хомер Гир“, напиша Алехандра во објавата, сеќавајќи се на нејзиниот свекор кој неодамна почина.
Познатиот холивудски актер Ричард Гир и неговата 34 години помлада сопруга Алехандра Силва ја започнаа својата врска во 2014 година, а по два неуспешни брака, оној со супермоделот Синди Крафорд и актерката Кери Лоуел, актерот по трет пат застана пред олтарот во 2018 година.
Алехандра е ќерка на бизнисменот и поранешен потпретседател на шпанскиот фудбалски клуб Реал Мадрид, Игнасио Силва. Тие се запознале додека таа се разведувала од нејзиниот сопруг, геологот Говинд Фридланд, син на американскиот рударски магнат Роберт Френдленд.
