Позната ѕвезда на ревијата на модната куќа на Вивиен Вествуд беше руската манекенка Ирина Шајк, која уште еднаш покажа зошто е меѓу најпопуларните во светот.
Модната недела во Париз деновиве го собира кремот на модата, а познатите дизајнери ги претставуваат своите најнови колекции за есен и зима 2023 година.
Меѓу најзабележителните модни ревии во последните денови секако е онаа на брендот на Вивиен Вествуд, откако пред само три месеци почина познатата креаторка и основач на оваа модна куќа Вивиен Вествуд.
Презентацијата на новата колекција на нејзиниот бренд собра голем број познати личности, но ниту тие не можеа да ја засенат модната магија што се случи на пистата.
Една од најубавите креации, како што обично се случува, ја понесе руската манекенка Ирина Шајк (37), која ја имаше честа да се појави во необичен фустан кој сигурно ќе го видиме на некој црвен тепих.
Познатата Русинка најпрво прошета по пистата во сензационален фустан инспириран од готскиот стил, парче во А линија со многу длабоко, тесно и ефективно V-деколте. Станува збор за фустан со пуф ефект во пределот на рамената и кратки ракави, кој ја истакнува половината со помош на тенка црвена врвка, од каде што се шири во раскошно здолниште во форма на ѕвонче.
Можеби највпечатливото нешто кај необичниот фустан е неговата боја на крв од вол, што генерално се преведува како „волова крв“. За се да биде уште поубаво, овој фустан има практични џебови, а на рамениците има две црвени врвки.
Ирина дополнително ја издолжи својата фигура со помош на високи црни чизми со врвки и платформи, а косата и беше раздвоена и падна на грбот. Многу темната нијанса на бордо кармин, како и висечките обетки во форма на цвет со остри ливчиња го прават изгледот уште повпечатлив.
