Актерот Џон Траволта никогаш повеќе не сака да се заљуби или да ѝ даде шанса на нова љубов, тој смета дека тоа би било „предавство на споменот на Кели“.
Актерката Кели Престон имаше само 57 години кога почина во 2020 година како последица на рак на дојка. Нејзиниот сопруг, исто така актер Џон Траволта (69), одлучил засекогаш да остане верен на својата покојна сопруга.
Со тешко срце ве известувам дека мојата убава сопруга ја загуби двегодишната битка со ракот на дојката. Таа храбро се бореше со нашата љубов и поддршка. Семејството вечно ќе им биде благодарно на нејзините прекрасни лекари, како и на пријателите кои беа покрај неа. Секогаш ќе го паметиме животот на Кели полн со љубов – изјави Траволта во 2020 година, соочувајќи се со загубата на сопругата.
Како што пренесува ОК!Magazin, од нејзината смрт, актерот не бил на ниту еден состанок и планира така да остане.
– Џон се уште се смета себеси за оженет и вели дека ќе и остане верен на Кели додека не умре – открил инсајдер за Radar.
- Се откажа од запознавање и излегување. Тажно е, но тој во основа зеде завет на целибат до крајот на својот живот – рекол изворот.
Изворот објасни дека на Траволта не му паѓа на ум „некогаш повторно да се заљуби“, бидејќи вели дека тоа би било „предавство на сеќавањето на Кели“.
- Тој постојано зборува за Кели. Нивните животи беа толку испреплетени што му е многу тешко да продолжи понатаму – вели изворот.
Актерската двојка беше вљубена 30 години и опстанаа заедно и покрај сите неволји, не ги разделија ниту обвинувањата за геј афера ниту загубата на детето.
Да потсетиме дека во 2009 година на семеен одмор на Бахамите го загубија најстариот син Џет на 16 години.
Џет, всушност, боледувал од Кавасаки болест и имал напади.
Дури по неговата смрт било откриено дека е аутистичен, што актерите потоа го потврдиле, а заедницата на родители на деца со аутизам често ги критикувала дека ја кријат оваа информација.
По смртта на синот и сопругата, актерот најде сила да продолжи благодарение на ќерката Ели Блу (22) и синот Бен (12).
- Децата му се се – рекол изворот.
- Да не беа тие, тешко е да се знае што ќе направеше.- додаде тој.
