Популарниот актер признава дека понекогаш се однесува како 25-годишник и дека му е тешко да се врати на семејниот живот откако долго не е со децата.
Познатиот британски актер Чарлс Денс (76), најпознат на пошироката јавност по улогата во серијата „Игра на тронови“, каде го глумеше Тајвин Ланистер, има успешна кариера долга неколку децении.
Играше во некои од најуспешните британски и холивудски филмови и серии, а неговата сопруга Џоана Хејторн го поддржуваше низ годините. Парот со децении важеше за пример за хармоничен брак и вистинска љубов која останува силна пред предизвиците, а круна на нивната среќа се синот Оливер и ќерката Ребека.Затоа сите беа изненадени кога во 2004 година беше откриено дека решиле да го прекинат бракот по 34 години хармоничен семеен живот.
Иако не се знае многу за тоа што се случува со Џоана, Чарлс Денс не се трудел премногу да сокрие дека наскоро продолжил понатаму. Најголемо внимание привлече по врската со сликарката Еленор Бурман, со која беше од 2008 до 2012 година и со која ја доби ќерката Роуз.
Сепак, ни оваа љубов не траеше, а по неколку кратки врски, Чарлс си најде нова девојка – 22 години помладата италијанска сликарка и филмска продуцентка Алесандра Алма Маси. Двојката често е на мета на папараците кои ги забележале во различни ситуации, меѓу кои и страсно разменуваат галење за време на одморот.
Чарлс и Алесандра се запознале во 2019 година, на снимањето на филмот „Книга на визиите“, каде глумецот играл, а Масиева била дел од продукцискиот тим. Актерот не криеше дека е “вљубен до уши” и дека голема среќа нашол во третата доба, па кога го прашале кој му бил омилен момент од сетот, признал:
- Да бидам искрен, тоа е средбата со Алесандро.
На прашањето дали самиот филм е во сенка на неговата љубов со младата уметничка,тој рече:
- Па, донекаде… Алесандра е фантастична. Имав многу, многу среќа.
На коментарите дека понекогаш се однесува како тинејџер, Чарлс има јасен одговор – се чувствува многу помлад отколку што пишува во неговата лична карта.
- Се чувствувам како да имам 35 години. Веројатно се однесувам како да имам 25 години – вели актерот. – Некогаш добро се справувам со се, а некогаш лошо. Тешко е да се вратите на семејниот живот кога не сте биле таму. Но, мојата сопруга ја поддржа мојата кариера.
