Хрватското крајбрежје со години го привлекува вниманието на странските медиуми благодарение на својата природна и културна убавина, кристално чистото море и прекрасните плажи. Така, во текот на изминатите неколку години, можевме да читаме за Хрватска во бројни угледни списанија и портали како што се Bussines Insider, Conde Nast Traveler и Vogue, кои редовно ги вклучуваа Хрватските плажи, острови и градови на листите на најубави и пожелни за летни одмори.
Американскиот Vogue сега пишуваше за винските региони во оваа држава, а во репортажата потпишана од новинарката Јулија Ескинс, таа ги наведува причините зошто хрватските вински региони треба да бидат на радарот на нивните читатели.
Кога ќе помислите на Хрватска, виното можеби не е првото нешто што ќе ви падне на ум. Сепак, покрај тиркизните плажи и историските градови кои ја направија омилена летна дестинација, земјоделското богатство на Хрватска вклучува хектари со вековни лозја и маслинови градини кои покриваат стрмни падини и зелени долини, се вели во воведот на текстот.
Винските региони кои Vogue ги издвои и им препорачува на своите читатели оваа година да ги стават на својата туристичка листа се Конавле, Пељешац и Истра.
Конавле
Лоциран во најјужниот дел на Хрватска, винскиот регион Конавле е на само 30 минути возење јужно од Дубровник, но се чувствува како милји далеку со своите водопади, патеки за пешачење, идиличните приморски градови и семејните фарми. Престижот во производството на вино го зајакна Малвазија Дубровник, древна сорта на грозје што локалниот енолог Нико Караман ја спаси од исчезнување откако Татковинската војна(Domovinski rat) уништи многу од оригиналните лозја во 1990-тите, пишува Vogue . Регионот сега е дом на повеќе од 20 производители специјализирани за суво бело вино, вклучувајќи ја и наградуваната винарија Karaman.
Го споменуваат и неодамна реновираниот хотел „Supetar Cavtat“, кој беше отворен минатата година како ексклузивен бутик хотел и неговиот вински бар кој служи одбрани вина на Конавле.
Пељешац
Vogue пишува дека Пељешац е мека за остриги и вино од светска класа. Откако ќе ја изедете вашата порција свежи остриги на тиркизните води на заливот Малостон, пробајте уште еден специјалитет од регионот: црвеното вино Plavac Mali, пишува новинарката Ескинс.
Во написот се споменува една од најстарите семејни винарии во Хрватска, Винарија Miloš,која произведува вино повеќе од 500 години, како и Вила Korta Katarina, членка на Relais & Chateaux, која нуди осум луксузни апартмани на својот луксузен вински имот покрај морето.
Истра
Северозападниот хрватски регион Истра порано бил дел од Италија, а ова влијание се чувствува и денес. Всушност, регионот го доби прекарот нова Тоскана поради неговите ридови преполни со маслинови градини, лозја и шуми полни со тартуфи, пишува Vogue. Тие продолжуваат со семејните винарии Kabolom и Cattunarom, но и модерни имоти како Roxanicha и Kozlovića,кои почнаа да комбинираат посовремен архитектонски јазик со хрватската традиција.
Тие исто така спомнаа дека хотелот Meneghetti го претстави својот вински комплекс минатата година, а написот завршува со Stanzijom Baracijom, имот лоциран на 50 хектари органски лозја, маслинови насади, овоштарници и ливади на хрватско-американското семејство Пенавик, винаријата Clai и Ресторанот Stara Škola, кој го води готвачката Приска Туринг, се издвојува по концептот од фарма до маса за нула отпад “Zero waste u farm-to-table konceptom”..
